News

სტრასბურგის სასამართლომ ადამიანის უფლებათა ცენტრის მიერ მომზადებული საჩივარი დაარეგისტრირა

15.11.2022

Font size

ადამიანის უფლებათა ევროპულმა სასამართლომ დაარეგისტრირა ადამიანის უფლებათა ცენტრის მიერ მომზადებულ საჩივარი, რითაც საქართველოს მოქალაქე, არასრულწლოვანი ბ.ხ. ევროპული კონვენციის მე-6 (საქმის სამართლიანი განხილვის უფლება) და მე-13 მუხლის (სამართლებრივი დაცვის ქმედითი საშუალების უფლება) დარღვევის დადგენას ითხოვს.

საჩივარში ყურადღება გამახვილებულია დანაშაულის არაეფექტიან გამოძიებასა და არასრულწლოვანი პირების უფლებების მიმართ სახელმწიფო ინსტიტუტების გულგრილ დამოკიდებულებაზე, რამაც არასრულწლოვანი პირების მიმართ მძიმე სასჯელის წარდგენა გამოიწვია.

ბ.ხ. წინააღმდეგ მიმდინარე სისხლის სამართლის საქმის გამოძიებისას, არასრულწლოვანი პირების მიმართ ფარული მიყურადება ხორციელდებოდა უნებართვოდ 2020 წლის 10 დეკემბრამდე, იმ დროს, როდესაც ფარულ მოსმენაზე არ იყო გაცემული სასამართლოს განჩინება. ფარული საგამოძიებო მოქმედების სატელეფონო კომუნიკაციის ფარული მიყურადებისა და ჩაწერის ჩატარების შესახებ განჩინება მიღებულია 2020 წლის 10 დეკემბერს, ხოლო მიყურადების ნებართვა გაიცა 2020 წლის 10 დეკემბერს 21 საათიდან 25 დეკემბრის 23:59 საათის ჩათვლით. ამ მტკიცებულებებით დასტურდება, რომ 10 დეკემბრამდე პერიოდში განხორციელებული ფარული მიყურადება უკანონოა.

გარდა ამისა, ადამიანის უფლებათა ცენტრის შეფასებით, საქმის მასალებით ირკვევა, რომ არასრულწლოვან პირებს არათუ დანაშაული არ ჩაუდენიათ, არამედ დანაშაულს საერთოდ არ ჰქონია ადგილი, რასაც ადასტურებს დაზარალებულის განცხადებაც საქმეში, რომ იცნობს ბ.ხ-ს, დადებითად ახასიათებს მას და მის მიმართ არანაირი პრეტენზია არა აქვს. ასევე, დაზარალებულმა დაადასტურა, რომ მას არ მისდგომია ზიანი ბრალდებულების მხრიდან.

ადამიანის უფლებათა ცენტრმა სტრასბურგის სასამართლოსთვის საჩივარი დემოკრატიის კვლევის ინსტიტუტთან თანამშრომლობით, ერთობლივი პროექტის ფარგლებში მოამზადა.

News

11.11.2024

Strasbourg Court Confirms Judge Was Removed from the Judicial System Over Her Dissenting Opinions

The European Court of Human Rights (ECtHR) confirmed that the High Council of Justice discriminated against Maia Bakradze by refusing to appoint her as a judge twice.

29.10.2024

Statement on the Parliamentary Elections in Georgia - Statement of Georgia’s Human Rights Center and the Norwegian Helsinki Committee

In areas visited by our observers, the Parliamentary Elections in Georgia 26 October failed to meet fundamental standards for free and fair elections.

26.10.2024

Violent incidents and violations had impact on the polling process during the Parliamentary Elections – Assessment of Human Rights Center

In accordance with the assessment of Human Rights Center, violent incidents and violations, which were observed by HRC monitors in some polling stations during the polling process or were reported by various public sources, influenced the polling process during the October 26, 2024 Parliamentary Elections.