eng
geo
eng
მთავარი ჩვენს შესახებ საქმიანობა გამოცემები მედია საკონტაქტო კონტაქტი

პრეს-რელიზი

10.05.2021

კორონავირუსის დიაგნოზით გარდაცვლილი ახალგაზრდა ქალის საქმეში დარღვევები გამოვლინდა

მნიშვნელოვანი დარღვევები გამოვლინდა კორონავირუსის დიაგნოზით გარდაცვლილი 19 წლის თეკლა თორდიას საქმეზე. გარდაცვლილის ოჯახის ინტერესებს ადამიანის უფლებათა ცენტრი იცავს.
08.04.2021

გადაწყვეტილების ეტაპზე მისული სასამართლო პროცესი ახალმა მოსამართლემ ხელახლა დაიწყო

ადამიანის უფლებათა ცენტრი თბილისის საქალაქო სასამართლოში ერთი წლის განმავლობაში წარმოადგენდა ეკომიგრანტი მ.მ.-ს ინტერესებს. 19 მარტს მხარეებმა წარადგინეს საპაექრო სიტყვები და ისარგებლეს რეპლიკით, დასრულდა საქმის არსებითი განხილვა და მოსამართლე გავიდა სათათბირო დარბაზში გადაწყვეტილების გამოსატანად. გადაწყვეტილების გამოტანამდე საქმის განმხილველი მოსამართლე გადაინიშნა იმავე სასამართლოს შემადგენლობაში სამოქალაქო კატეგორიის კოლეგიაში, მ.მ.-ს საქმე კი დაეწერა ახალ მოსამართლეს. ამ უკანასკნელის გადაწყვეტილებით, უკვე განხილულ საქმეზე წარმოება დაიწყო ხელახლა. საქმის განხილვის პირველი სხდომა ჩაინიშნა 8 აპრილს.
08.04.2021

ადამიანის უფლებათა ცენტრი ნიკა მელიას წინააღმდეგ მიმდინარე საქმეს სასამართლოში დააკვირდება

დღეს,  8 აპრილს 11:00 საათზე სასამართლო ნიკანორ მელიას მიმართ აღკვეთის ღონისძიების სახით გამოყენებული პატიმრობის თაობაზე იმსჯელებს. ადამიანის უფლებათა ცენტრი სასამართლო მონიტორინგს ახორციელებს პროექტის „იურიდიული დახმარება და ადამიანის უფლებების მონიტორინგი“-ს ფარგლებში, რომელიც ხორციელდება  ფონდი „ეროვნული წვლილი დემოკრატიისთვის“ (NED) მხარდაჭერით.
06.04.2021

პროკურატურამ 2019 წლის ივნისში დაზარალებულ სამ ჟურნალისტს დაზარალებულის სტატუსი ახლა მიანიჭა

გენერალურმა პროკურატურამ დაზარალებულად ცნო 2019 წლის 20-21 ივნისის საპროტესტო აქციის დარბევისას დაზარალებული ჟურნალისტები: ზაზა სვანაძე, მერაბ ცაავა და ბესლან კმუზოვი, რომელთა  სამართლებრივ ინტერესებს ადამიანის უფლებათა ცენტრი იცავს. 
05.04.2021

ადამიანის უფლებათა ცენტრის დახმარებით, სასამართლომ აქტივისტს ჯარიმა გაუუქმა

3 აპრილს, თბილისის საქალაქო სასამართლოს ადმინისტრაციულ საქმეთა კოლეგიის მოსამართლემ არ დააკმაყოფილა შინაგან საქმეთა სამინისტროს მოთხოვნა, გაიზიარა ადამიანის უფლებათა ცენტრის პოზიცია, საპროტესტო აქციაზე დაკავებული აქტივისტი ა.მ. არ ცნო სამართალდამრღვევად და შეწყვიტა მის მიმართ საქმის წარმობა.
25.03.2021

აკრძალული უფლება - დროებითი კონსტრუქციებისა და ტექნიკური საშუალებების გამოყენების საკანონმდებლო სტანდარტები და პრაქტიკაში რეალიზაციის პრობლემები

მშვიდობიანი შეკრების თავისუფლება დემოკრატიული საზოგადოების ერთ-ერთ საფუძველს წარმოადგენს. იგი ხელს უწყობს საზოგადოებისთვის მნიშვნელოვან საკითხებზე საჯარო და ინფორმირებულ მსჯელობას, ადამიანის უფლებათა პატივისცემას და კანონის უზენაესობას.
17.02.2021

N 8 პენიტენციური დაწესებულების მონიტორინგის ანგარიშის პრეზენტაცია

19 თებერვალს, 13:00 საათზე, ადამიანის უფლებათა ცენტრი (HRC) და ციხის საერთაშორისო რეფორმა (PRI) N8 პენიტენციური დაწესებულების მონიტორინგის ანგარიშს წარმოადგენს. პრეზენტაცია გაიმართება ონლაინ, Zoom-ის პლატფორმის საშუალებით.
08.02.2021

ადამიანის უფლებათა ცენტრის ანგარიში - 2020 წლის 31 ოქტომბრის საპარლამენტო არჩევნების მონიტორინგი

ხვალ, 9 თებერვალს, 14:00 საათზე, ადამიანის უფლებათა ცენტრი წარმოგიდგენთ ანგარიშს - 2020 წლის 31 ოქტომბრის საპარლამენტო არჩევნების მონიტორინგი. ანგარიშის პრეზენტაცია ონლაინ გაიმართება.
გამოიწერე სიახლეები
გამოიწერე HRC-ის სიახლეები და გაიგე პირველმა ახალი ამბების შესახებ
შემოგვიერთდით:
HRC 2024 - All rights reserved
შემოგვიერთდით:
HRC 2024 - All rights reserved